एमबाप्पे एटलान्टाविरुद्ध खेल्न तयार !

एजेन्सी – फ्रेन्च क्लब पेरिस सेन्ट जर्मेन (पीएसजी) का प्रशिक्षक थोमस टचेलले आफ्ना युवा स्टार केलियन एमबाप्पेले च्याम्पियन्स लिगको एटलान्टाविरुद्धको क्वाटरफाइनल खेल्न सक्ने बताएका छन् ।

पीएसजीले आज राति इटालियन क्लब एटलान्टासँग प्रतिस्पर्धा गर्दैछ । फ्रेन्च स्टार एमबाप्पेले तीन साताअघि फ्रेन्च कपको फाइनल दौरान चोट बोकेका थिए । एमबाप्पेले २५ जुलाईमा सेन्ट इटिएनविरुद्धको फ्रेन्च कप फाइनल दौरान चोट बोकेका थिए । त्यसयता मैदान बाहिर रहेका एमबाप्पेले फ्रेन्च लिग कपको खेल पनि गुमाएका तिए । उनी पूर्णरुपमा फिट हुन कम्तीमा तीन साता लाग्ने बताइएपनि पीएसजीले आफ्ना स्टार फरवार्डलाई टोलीमा समेटेको थियो ।

प्रशिक्षक थोमस टचेलले कुनै ठुलो समस्या नभएमा एम्बाप्पे एटलान्टाविरुद्ध खेल्न सक्ने बताएका हुन् । प्रशिक्षक टचेलले एमबाप्पेलाई टोलीमा समेट्दै इटालियन क्लब एटलान्टाविरुद्धको खेलका लागि आशावादी रहेको खेल्न नसक्ने अवस्थामा बेन्चमा रहने बताएका थिए ।

‘एमबाप्पेको साथमा खेल सक्ने सम्भावनालाई लिएर हामी खुसी छौ । एमबाप्पे फर्कदा नेयमारलाई उनी जस्तै खेल्ने व्यक्ति प्राप्त हुनेछ,’ टचेलले भनेका छन् ।

पीएसजी एटलान्टालाई पराजित गर्दै १९९४–९५ को सिजनपछि पहिलोपटक सेमिफाइनलमा पुग्ने लक्ष्यमा हुनेछ । सेमिफाइनलमा पुगेको खण्डमा पीएसजीले स्पेनिस क्लब एट्लेटिको म्याड्रिड र जर्मन आरबी लाइप्जिग बीचको विजेतासँग खेल्नेछ ।

댓글 남기기 0

Your email address will not be published. Required fields are marked *


WP2Social Auto Publish Powered By : XYZScripts.com